Gjestearbeidarar i Haram kommune – kostnader og tapte skatteinntekter

Foto: Max-Larochelle/Unsplash

NRK publiserte nyleg ein artikkel om Stord kommune, der tusenvis av gjestearbeidarar bidreg til store skatteinntekter for staten, medan kommunen sit att med kostnader utan å få noko igjen økonomisk. Situasjonen som er skildra i artikkelen, er også relevant for Haram kommune. Vi har fleire verksemder som sysselset mange gjestearbeidarar, og det er difor grunn til å tru at vi står i ein liknande situasjon.

Publisert av Haram Venstre

Kommunane har ansvar for ei rekkje tenester og utgifter knytt til dei som bur og oppheld seg i kommunen, samstundes som staten sit igjen med skatteinntektene frå gjestearbeidarane. Dette kan bety eit betydeleg økonomisk tap for Haram kommune.

Venstre vil derfor stille følgende spørsmål til kommunedirektøren i neste kommunestyremøte:

  1. Kor mange gjestearbeidarar oppheld seg i Haram kommune i dag?

  2. Kva storleik på kommunale utgifter (helse, renovasjon, infrastruktur m.m.) reknar administrasjonen med at denne gruppa medfører?

  3. Kor mykje inntekter taper Haram kommune årleg fordi staten beholder alle skatteinntektene frå desse arbeidarane?

Føremål ned spørsmåla:
Å få fram eit talgrunnlag og ei fagleg vurdering av konsekvensane for Haram kommune, slik at vi kan belyse saka politisk og eventuelt fremje krav om endringar i inntektssystemet.

Christian Holstad Lilleng
Gruppeleiar Haram Venstre

(NRK, 01.09.2025: «Tusenvis av gjestearbeidarar på Stord – store inntekter for staten, ingenting til kommunen»).