I dag er det store skilnader mellom skulane, både når det gjeld elevgrunnlag, behov og utgifter. Nokre skular har fleire elevar med særskilde behov, medan andre har større kostnader knytt til skuleskyss, medisinering eller spesialundervisning. Når finansieringsmodellen ikkje tek godt nok høgde for slike forskjellar, blir det i praksis elevane som betaler prisen.
Difor bad Venstre om ei eiga utgreiing av finansieringsnøkkelen. Vi meinte det var på tide å sjå på om staten sine satsar for privatskular òg kunne nyttast for offentlege skular – og korleis kommunen kan sikre betre samsvar mellom behov og tildeling.
No er ei ny ressursfordelingsmodell utarbeidd, og kommunen har hatt dialog med skuleleiarane om erfaringane så langt. I oktober skal modellen leggjast fram saman med kvalitetsmeldinga for skulane. Det er bra – men det er òg viktig at politikarane faktisk nyttar denne sjansen til å gjere modellen rettferdig, open og føreseieleg.
Skulen er grunnmuren i kommunen vår. Då må vi òg vere villige til å byggje han på ein solid og rettferdig finansiering.
Christian Holstad Lilleng
Gruppeleiar Haram Venstre
PS! Saka er omtala her i Haram kommunes tertialrapport