Når møta blir haldne på dagtid, må kommunen betale frikjøp og møtegodtgjersle til dei som må ta fri frå jobb for å møte. For kvar møte blir dette unødvendig kostbart. Kveldstid gjer tvert imot at dei fleste folkevalde kan delta utan å belaste kommunen økonomisk med meir enn møtegodtgjersle. Det betyr lågare kostnader per møte – og meir ansvarleg drift.
Samtidig må vi peike på at posisjonen allereie har påført kommunen ein ekstrarekning på rundt 400 000 kroner, etter at dei valde å utvide både formannskapet og planutvalet med to ekstra representantar. Dette vart gjort for å oppfylle interne lovnader om plassane i utvala, ikkje fordi kommunen treng fleire politikarar. Resultatet er høgare faste kostnader – heilt unødvendig.
I ei tid der vi må prioritere knallhardt, er det ikkje ansvarleg å bruke pengar på unødvendige frikjøp og ekstra verv. Venstre vil at kommunen skal bruke pengane på innbyggjarane, ikkje på meir politikarbyråkrati.
Kveldstid er derfor både meir demokratisk og meir økonomisk forsvarleg. Det er rett og slett sunn fornuft. Venstre håper eit fleirtal i kommunestyret ser det same.
Christian Holstad Lilleng
Gruppeleiar Haram Venstre